എന്റെ പ്രണയം എനിക്കെന്റെ കണ്ണീരുപ്പിന്റെ സാന്ദ്രതയെ വഹിക്കാൻ ശക്തിയുള്ളൊരു കടലായിരുന്നു.. പുറംലോകമറിയാതൊരു ചിപ്പിയിലുറങ്ങുന്ന മുത്തിനെ മോഹിച്ച ആഴക്കടൽ.. എന്റെ പ്രണയമെനിക്കെന്റെ തൂലികയായിരുന്നു.. എന്റെ സിരകളിലോടുന്ന ജീവരക്തം നിറച്ചു ഞാൻ സദാ വിരലോടു ചേർത്തോമനിക്കാറുള്ള മൗനത്തേക്കാൾ വാചാലമായൊരു പൊൻതൂലിക.. എന്റെ പ്രണയമെനിക്ക് കാറ്റായിരുന്നു..…

യുഗാന്തരങ്ങളുടെ തപം ചെയ്തുവെങ്കിലും നീയെന്ന ഇകാരമില്ലാതെ ജഡതുല്യനാകുന്നവൻ മാത്രമാണിവൻ എന്നറിയുന്ന നിമിഷത്തിലെല്ലാം ഞാൻ വന്നണഞ്ഞത് നിന്റെ പാദങ്ങളിൽ തന്നെയായിരുന്നു.. നിന്റെ പാദസ്പർശമാണ് എന്റെ ചാലകശക്തിയെന്നു നീയറിയുന്ന ആ നിമിഷം തന്നെയാകുന്നു ശുദ്ധബോധത്തിന്റെ സഹസ്രദളങ്ങൾ ഒരുമിച്ചു വിടരുന്ന കാലസ്തംഭനം എന്നറിയുക.. നീ ഞാൻ…

കാലങ്ങളുടെ യാത്രയിൽ പലയിടത്തുനിന്നും ശ്രവിച്ച തേടലിന്റെ കഥകൾ.. തേടൽ എന്നൊന്നുണ്ടോ?? എന്നെ തേടിയത് ആരാണ്?? ഞാൻ തേടിയത് ആരെയാണ്, എന്തിനെയാണ്..??ഉത്തരമില്ലാത്ത അനേകം ചോദ്യങ്ങൾ.. എന്നാൽ ഉത്തരമായത് ഒരേയൊരു ചോദ്യം.. ആത്മസംതൃപ്തി ഇല്ലാത്തിടത്തല്ലേ തേടലുണ്ടാകൂ?? എന്നിൽ ഞാൻ തൃപ്തമല്ലാതിരിക്കുന്ന അവസ്ഥയിൽ എന്നെ പൂർണമാക്കാൻ…

പ്രണയമാണിവൾക്കു ജീവിതത്തോട്.. അതുകൊണ്ട് തന്നെയാകണം, ജീവിതം വരുതിയിൽ നിൽക്കുന്നില്ലെന്ന് തോന്നിയ അവസരങ്ങളിലൊക്കെ അസ്വസ്ഥയായിട്ടുണ്ട്.. മനസ്സും ശരീരവും ഒന്നുതന്നെയാണെന്ന തിരിച്ചറിവ് വരുന്നതു വരെ ശരീരത്തെ ശ്രദ്ധിക്കാൻ നിൽക്കാതെ മനസിനെക്കൊണ്ടുള്ള പരീക്ഷണങ്ങൾക്കു പിന്നാലെ ഭ്രാന്തിയെപ്പോലെ അലഞ്ഞിട്ടുണ്ട്.. രാത്രികളെ പകലും പകലുകളെ രാത്രിയുമാക്കിയിട്ടുണ്ട്.. എന്നാൽ, എന്തിനും…